Efektet anësore të ibuprofenit: Shenjat që vërehen kur shkoni në tualet

Ibuprofen është një ilaç i quajtur si anti-inflamator dhe jo-steroid.

Ai është në dispozicion në formë tabletash dhe kapsulash, dhe si një shurup që mund ta gëlltisni.

Së bashku me efektet e tyre të dobishme, shumica e ilaçeve mund të shkaktojnë efekte anësore të padëshiruara edhe pse jo të gjithë i përjetojnë ato.

Më poshtë janë disa nga efektet anësore më të zakonshme të ilaçeve kundër dhimbjeve:

• Dispepsi,

• Urth,

• Dhimbje stomaku,

• Diarre.

Nëse përjetoni ndonjë nga simptomat më sipër, përmbajuni vakteve të thjeshta dhe pini shumë lëngje për të zëvendësuar lëngjet e humbura dhe mos harroni të merrni dozat tuaja me ushqim, ose me një gotë qumësht.

Një efekt anësor pak më i rrallë i ibuprofenit ndërsa jeni në tualet mund të jetë gjaku ose jashtëqitjet e zeza, ngritja e gjakut (vjellja) ose dhimbjet e forta të stomakut.

Efekte të tjera, më serioze anësore, mund të përfshijnë:

• Vështirësi në frymëmarrje si gulçimi,

• Shenjat e një reaksioni alergjik siç është ënjtja rreth gojës ose fytyrës, ose një skuqje e lëkurës me kruajtje.

Sipas NHS, nëse përjetoni këto simptoma ndaloni marrjen e qetësuesit të dhimbjes menjëherë dhe konsultohuni me mjekun tuaj.

Efektet e padëshiruara shpesh përmirësohen ndërsa trupi juaj përshtatet me ilaçin e ri, por është e rëndësishme të jeni të vetëdijshëm për ndikimet e mundshme të ibuprofenit. /Telegrafi/