Edhe Meritoni në finale – për herë të parë një banor nga Kosova, finalist në Big Brother VIP Albania

Të shtunën në darkë, atmosfera në shtëpinë më të famshme në Shqipëri ka qenë e ngarkuar me pritje dhe emocione. Në një serë votimesh që hodhën dritë mbi preferencat e publikut, u zbulua se Françeska Murati është eliminuar nga gara, duke i lënë vend pesë konkurrentëve të tjerë të cilët tashmë janë zyrtarisht finalistët e “Big Brother VIP Albania 3”.

Juli, Romeo, Heidi, Egla dhe Meritoni janë emrat që do të mbahen mend në historinë e BBVA 3 si pesëshja finale që do të vazhdojë luftën për çmimin e madh. Ndërsa secili prej tyre ka sjellë një nuancë të veçantë në dinamikat e lojës, mbetet të shihet se cila strategji dhe cili karakter do të rezultojë fitues.

Veçanërisht i rëndësishëm është fakti që për herë të parë në historinë e tri edicioneve të Big Brother VIP Albania, një banor nga Kosova – Meriton Mjekiqi, prezantues – ka arritur të hyjë në finalen e madhe.

Vitin e kaluar në edicionin e dytë, një tjetër talente nga Kosova, këngëtarja Nita Latifi, ka qenë shumë afër ta prekë këtë stad, por u eliminua në gjysmëfinale, duke ndërprerë rrugëtimin drejt ëndrrës së madhe në finale.

Si Meritoni, ashtu edhe katër banorët e tjerë finalistë, kanë hyrë në shtëpinë më të famshme në Shqipëri që në datën 13 janar. /Telegrafi/