Fitorja 2-1 e Rosenborg ndaj Mainzit në fazën eliminatore të Ligës së Konferencës u errësua nga sjellja e papranueshme e tifozëve vizitorë, të cilët shkatërruan dhe grafituan pjesë të stadiumit Lerkendal, duke përfshirë tualetet dhe korridoret.
Drejtori ekzekutiv i Rosenborg, Tore Berdal, dënoi ashpër këtë vandalizëm dhe konfirmoi se klubi gjerman do të mbajë përgjegjësitë për dëmin.
"Ishte një vandalizëm i përhapur në sektorin mysafir, dhe kjo është diçka që nuk e vlerësojmë", deklaroi Berdal për Nettavisen.
Ai shtoi se Rosenborg është në kontakt të vazhdueshëm me UEFA-n dhe klubin gjerman për të adresuar situatën, duke bërë të qartë se kostot e riparimit do të mbulohen nga Mainz.
"Ju jeni përgjegjës për tifozët tuaj kur shkoni në ndeshje jashtë fushe në Evropë. Ne nuk do të mbajmë koston e rinovimeve, por gjithçka do të krijojë punë shtesë për ne", tha më tej ai.
Incidentet filluan që para ndeshjes, kur valvulat e gomave në autobusin e ekipit të Mainzit u prenë, duke sinjalizuar tensionin e pritur gjatë takimit. /Telegrafi/
