E ‘tradhton’ mikrofoni, kryeministrja e Zelandës së Re kapet duke përdorur një term poshtërues për politikanin rival

Kryeministrja e Zelandës së Re është kapur duke e quajtur një politikan rival një “arrogant prick” (Prick është një fjalë vulgare për penisin, si dhe një term poshtërues që përdoret për t’iu referuar një individi të neveritshëm ose të përçmuar) gjatë një debati parlamentar.

Sipas mediave të huaja, përcjell Telegrafi, Jacinda Ardern e bëri komentin teksa u kthye në vendin e saj pas një sërë pyetjesh nga udhëheqësi libertarian ACT, David Seymour.

Dhe “falë mikrofonit”, vulgariteti u kap në parlament dhe u fut në transkriptin zyrtar të debatit.

https://www.youtube.com/watch?v=UbRGEhE1U9I

Incidenti i thirrjes së emrit u transmetua gjithashtu në TV Parlamenti, por “nuk u kap” nga shumica e deputetëve pasi kryetari i dhomës Adrian Rurawhe filloi të fliste në të njëjtën kohë.

Zyra e zonjës Ardern tha se ajo i kërkoi falje zotit Seymour për deklaratën.

Ndryshe, 42-vjeçarja ka qenë kryeministre për pesë vjet dhe ka marrë vlerësime të larta të miratimit për pjesën më të madhe të kohës, por tani përballet me një fushatë të vështirë zgjedhore në 2023.

Sipas raporteve, Seymour më vonë konfirmoi se kishte marrë një falje nga zonja Ardern në një mesazh me tekst. /Telegrafi/