Neymar edhe pse ende jo zyrtarisht mund të konsiderohet lojtar i Paris Saint Germainit.
Barcelona ka njoftuar se braziliani nuk është stërvitur në stërvitjen e fundit, por ishte pjesëmarrës për të përshëndetur bashkëlojtarët.
Dhe normalisht që kjo i ka acaruar tifozët e shumtë të klubit spanjoll të cilët dëshironin qëndrimin e tij.
Askush nuk e ka pritur një largim të tillë dhe nisur nga kjo Neymar dëshiron që largimi i tij nga Barcelona të jetë ndryshe.
Sipas gazetarit spanjoll, Alfredo Martínez të ‘Onda Cero Radio’, sulmuesi i ka kërkuar Barçës të luajë në trofeun miqësor Joan Gamper dhe kështu t’i thotë lamtumirë tifozëve në Camp Nou.
E gjitha kjo në ndeshjen ndaj Chapecoenses më 7 gusht.
Me shumë mundësi kjo do jetë vështirë e realizueshme pasi të premten (pas dy ditësh) pritet zyrtarizimit i tij te PSG për 222 milionë euro dhe te Barcelona nuk ka vullnet të madh që lojtari të luajë në këtë miqësore. /Telegrafi/
