LAJMI I FUNDIT:

E gjithë Anglia në mbështetje të Gary Linekerit: Lojtarët dhe trajnerët refuzojnë intervistat për BBC Sport

E gjithë Anglia në mbështetje të Gary Linekerit: Lojtarët dhe trajnerët refuzojnë intervistat për BBC Sport

Intervista pas ndeshje me lojtarët dhe trajnerët e Ligës Premier nuk do të zhvillohen në këndin e njohur “Match Day” nga BBC Sport, pas zhvillimeve nga e premtja (dje).

Në një mbrëmje kaotike të së premtes, BBC njoftoi se Gary Linekerit i ishte thënë të tërhiqej nga pozicioni i tij si moderator, pas komenteve të tij në mediat sociale ku ai kritikoi politikën e re të qeverisë për azilin dhe krahasoi gjuhën e përdorur me Gjermaninë naziste.

BBC tha se ishte një “shkelje e udhëzimeve tona” dhe i tha ish-sulmuesit të Anglisë që “të qëndrojë larg nga çështjet politike partiake ose polemikat politike”.


Image: PA

Por, televizioni është aktualisht nën një rrëmujë të madhe, pasi bashkëprezantuesit e Lineker, Ian Wright dhe Alan Shearer, kanë konfirmuar se po bojkotonin emisionin në solidaritet me 62-vjeçarin.

Jermaine Jenas dhe Micah Richards të dy thanë se do të kishin bërë të njëjtin veprim, ndërsa Alex Scott u tërhoq nga emisioni Football Focus para se të përfundonte ai.

BBC më pas dha një përditësim mbi emisionin, duke njoftuar se do të vazhdonte ende, por pa ekspertë dhe çdo lloj prezantimi në studio.

Të gjitha lajmet nga Premier League
Lexo po ashtu Të gjitha lajmet nga Premier League

Dhe në një tjetër lëvizje të paprecedentë, nuk do të realizohet asnjë intervistë me lojtar apo trajner në Ligën Premier.

BBC informoi Ligën Premier se 12 klubet, duke përfshirë Liverpool, Manchester City, Chelsea dhe Tottenham, nuk duan të zhvillojnë intervistat.

Federata angleze e futbollit tha se ata ishin në mbështetje të lojtarëve që po mendonin për bojkotimin e intervistave pas ndeshjes.

Në një deklaratë thuhej: “Gjatë atyre bisedave ne e bëmë të qartë se, si sindikatë e tyre, do të mbështesim të gjithë anëtarët që mund të përballen me pasoja nëse zgjedhin të mos kryejnë angazhimet e tyre në transmetim”.

“Ky është një vendim me sens të përbashkët që siguron që lojtarët tani nuk do të vendosen në atë pozicion”.

Lineker ka prezantuar emisionin Match Day që nga viti 1999 dhe kryeson mbulimin e BBC-së për turnetë ndërkombëtare si Kampionati Botëror dhe Kampionati Evropian. /Telegrafi/

Në trend Sport

Më shumë
UEFA dhe Marca sjellin versionet e tyre: Pse goli i Haalandit kundër Real Madridit u pranua si i rregullt

UEFA dhe Marca sjellin versionet e tyre: Pse goli i Haalandit kundër Real Madridit u pranua si i rregullt

Liga e Kampionëve
U dëshmua se është

U dëshmua se është "finale para finales": Real Madridi shpartallon Man Cityn në 'Etihad'

Liga e Kampionëve
Perez shpërfilli Ronaldon dhe Benzeman kur emëroi 'blerjen e shekullit' nga Real Madridi

Perez shpërfilli Ronaldon dhe Benzeman kur emëroi 'blerjen e shekullit' nga Real Madridi

La Liga
Henry parashikon skuadrën që mund ta fitoj Ligën e Kampionëve këtë sezon

Henry parashikon skuadrën që mund ta fitoj Ligën e Kampionëve këtë sezon

Liga e Kampionëve
Ancelotti emëron ekipin e vetëm që mund të fitojë Ligën e Kampionëve këtë sezon

Ancelotti emëron ekipin e vetëm që mund të fitojë Ligën e Kampionëve këtë sezon

Liga e Kampionëve
Liverpooli ka gjetur zëvendësuesin e Salah - luan në Francë

Liverpooli ka gjetur zëvendësuesin e Salah - luan në Francë

Premier League
Kalo në kategori