Dy takime të fshehta të Icardit dhe Wandas me Juventusin, sinjale të reja për transferimin e argjentinasit te ‘Zonja e Vjetër’

Drejtori i Juventusit, Fabio Paratici fluturoi për në Ibiza për një takim me sulmuesin e Interit, Mauro Icardi dhe gruan e tij, agjenten Wanda Nara, shkruan Sport Mediaset, nga burime të saja. 

Është shkruar shumë herë se Icardi do të refuzojë çdo transferim tjetër në ndonjë vend, përveç në ndonjë vend, përveç Italisë.

Trajneri i ri Antonio Conte e ka bërë të qartë se nuk e sheh argjentinasin si pjesë të projektit dhe po përpiqet ta sjellë Edin Dzekon e Romës dhe Romelo Lukakun e Manchester United.

Lexo po ashtu Të gjitha lajmet nga Juventus

Sipas Sport Mediaset dhe La Gazzetta dello Sport, Icardi dhe gruaja e tij Wanda Nara ishin në Ibiza të martën, ku drejtori i sportiv i Juventusit, Paratici, fluturoi me një avion privat.

Ëanda pastaj fluturoi drejt Milanos, siç konfirmohet nga postimi i saj Instagram, për një vizitë të shkurtër lidhur me punën që zgjati gjashtë orë.

Paratici ishte në Milano gjatë të njëjtës periudhë, të cilën Mediaset e konsideron më shumë se një rastësi.

Në anën tjetër Sky Sport Italia shkruan se nuk kanë pasur konfirmim të këtyre takimeve.

Opsioni më i mundshëm mbetet që Icardi t’i shkëmbejë vende me Paulo Dybalan, i cili nuk përshtatet me qasjen e re rë Maurizio Sarrit, që në anën tjetër e pëlqen shumë sulmuesin e Interit dhe e kishte kërkuar disa herë në Napoli. /Telegrafi/