Dy largime në janar nga Barcelona, lojtarët janë informuar se nuk janë në planet e Xavit

Barcelona po përgatitet për sezonin e ardhshëm me një qasje më të matur financiarisht dhe ka vënë në shënjestër disa lojtarë që mund të lënë klubin, në përpjekje për të bërë ndryshime në skuadër.

Marcos Alonso dhe Sergi Roberto janë dy nga emrat që raportohet se do të ndahen nga klubi në përfundim të këtij sezoni.

Alonso, i cili iu bashkua Barcelonës nga Chelsea rreth 18 muaj më parë dhe ishte një titullar i rregullt në sezonin e tij të parë, nuk ka luajtur që nga tetori për shkak të problemeve me lëndime, duke mos arritur të bëjë ndikimin e pritshëm në lojë në muajt e fundit.

Lexo po ashtu La Liga ndryshon rregullat për transferime, çfarë do të thotë kjo për Barcelonën

Ndërkohë, Sergi Roberto ka pasur një ndikim më të dukshëm këtë edicion, duke arritur të zgjidhet si lojtari i ndeshjes pas një paraqitje brilante në sfidën e fundit kundër Almerias.

Megjithatë, kontratat e të dy lojtarëve skadojnë gjatë verës, dhe sipas gazetës “Sport”, klubi katalanas po mendon seriozisht largimin e tyre.

Megjithëse Alonso duket i hapur për një aventurë tjetër pasi të ndjehet i tepërt në minutazh, Roberto ka treguar një dëshirë të fortë për të qëndruar në klub, madje edhe duke pranuar një ulje të mundshme të pagës në rast të rinovimit të kontratës së tij.

Lexo po ashtu Hapet dera e largimit për Lewandowskin, i caktohet edhe çmimi

Një klub që ka treguar interesim konkret për Alonson është Atletico Madrid, ku mbrojtësi mund të gjejë një mundësi të re për sezonin e ardhshëm.

Barcelona planifikon të informojë të dy lojtarët për vendimin e tyre në janar, në mënyrë që të lehtësojë tranzicionin e tyre drejt klubeve të ardhshme. /Telegrafi/