Dy goditjet në familje që ishin kthesë në jetën e saj – Gresa Gashi rrëfehet mes lotësh

Banorja e Big Brother, Gresë Gashi, ka dhënë një rrëfim prekës në lidhje me jetën e saj.

Ajo ka filluar nga fëmija për dashurinë për televizionin, derisa tregoi se kur ishte në shkollë të mesme ka vendosur për aktrimin.

Aktorja theksoi se është bullizuar nga kolegët gjatë kohës sa ishte duke studiuar.

“Kam qenë shumë e bullizuar nga kolegët, e kam përjetuar rëndë, kam pasur shumë njerëz që më kanë ofenduar me lloj lloj fjalë, për një moment kam menduar që nuk mund të vazhdoj studimet me aktrim. Më thoshin ti je e trashë askush nuk ka me të marrë, kur shkoja në shtëpi në Ferizaj qaja”, u shpreh Gresa.

Lexo po ashtu Të gjitha lajmet nga Gresë Gashi

Më pas, ajo foli për një moment tjetër të jetës kur i erdhën mundësitë në aktrim.

“Në vitin e tretë më vjen oferta për të luajtur në serial, më në fund po me çelen dyert, pas serialit u punësova në teatrin “Ardiana”.

Pas kësaj, konkurrentja e shtëpisë më të famshme në vend ka folur edhe për disa gjëra të tjera që ka përjetuar.

“Më vjen një mesazh prej babait, Kroni ka bërë aksident, por vetëm kaq. I ka pasë krejt gjymtyrët e thyer, e ka shkelur makina, ka qenë goditja më e rëndë që e kam përjetuar”, tha ajo.

“Rikuperimi i tij ka marrë shumë kohë, duhet të vlerësojmë njerëzit që kemi. Pas vëllait vjen edhe një goditje e fortë në familjen tonë. Baba ka përjetuar sulm, dhe nuk kemi mundur me pa, ka qenë në Shkup. Si pasojë e këtij sulmi e ka humbur njëri sy, me njërin sy nuk sheh. Tash është shumë mirë, shumë energjik, jam shumë e lumtur që i kam të katërt”.
Mes të tjerash, Gashi ka zbuluar disa gjëra edhe për jetën e saj personale.

“Kam pasur një lidhje katër vjet, bëjë shumë për dashurinë, jam e gatshme të bëjë shumë. Por nuk jemi ndarë, para se me hy më ka thënë të pres jashtë, a më pret nuk e di”.
Gresa gjithashtu se është duke e shijuar eksperiencën në Big Brother VIP Kosova 3 në maksimum.

“E kam shumë qejf karrierën, kam qejf shumë me pasë fëmijë. Mund ta them eksperienca më e çmendur që e kam përjetuar në jetë. Pres me marrë role në filma dhe teatër, kam qejf të dhurojë shumë dashuri, kam mësuar se lumturia është gjithçka e qysh vjen”, përfundoi Gresa. /Telegrafi/