“Duhet të rregulloj jetën time”, dikur futbollisti më i paguar në botë flet pasi përfundoi në psikiatri

Ish-lojtari i kombëtares argjentinase, Ezequiel Lavezzi po përjeton momentet më të këqija të jetës së tij.

Muajin e fundit ish-sulmuesi pati një periudhë të turbullt. Në dhjetor për herë të parë përfundoi në spital. Ish-futbollisti u soll në spital në mes të dhjetorit me një plagë me thikë në bark dhe një klavikulë të thyer.

Radioja uruguaiane FM Gente pretendon se Lavezzi është therur me thikë nga vëllai i tij.

Lexo po ashtu Theret me thikë Ezequiel Lavezzi, dërgohet me urgjencë në spital

Tre javë pas kësaj, ai e teproi me mbidozë dhe përfundoi në terapi intensive, ndërsa tani përfundoi në psikiatri.

“Ai po kalon një problem të ashpër dhe është pranuar në psikiatri, një institucion i shëndetit mendor, për herë të dytë në tre javë”, ka shkruar gazetari Fabrizio Romano.

Megjithatë, tani është vet Lavezzi, i cili ka folur shkurtimisht për situatën e tij.

“Është e vështirë. Por duhet ta bëj, duhet të rregulloj jetën dhe zakonet e mia. Duhet ta bëj për djalin tim”, ka thënë Lavezzi për L’Equipe.

Lexo po ashtu U raportua se ishte therur me thikë nga i vëllai, zbulohet skandali që ka bërë Lavezzi

Lavezzi ishte futbollisti më i paguar në botë. Ai fitoi mbi 20 milionë euro në Hebei të Kinës.

Në karrierën e tij, ai luajti për Estudiantes, San Lorenzo, Napoli dhe PSG, dhe ai bëri 51 paraqitje për Argjentinën dhe fitoi një medalje argjendi në Kupën e Botës 2014 në Brazil. /Telegrafi/