Dua Lipa tregon elegancën dhe dukjen e saj natyrale gjatë një shëtitje në Munih

Ajo ka qenë në Evropë këtë muaj për turneun e saj “Future Nostalgia”.

Dhe destinacioni i së shtunës ishte Munihu i Gjermanisë, pasi Dua Lipa shijoi pak kohë për blerje përpara shfaqjes së saj në qytet të dielën.

26-vjeçarja dukej mjaft shik e veshur me një fustan me ngjyrë bruz, i cili përmbante një print të madh tigri, shkruan DailyMail.

Ajo e kombinoi fustanin me çizme të zeza me take, të cilat me sa duket i shkonin deri tek gjunjët.

Lexo po ashtu Ed Sheeran mund të bëhet artisti i parë britanik miliarder - Dua Lipa renditet e dyta në listën e artistëve të rinj më të pasur britanikë

Dua vendosi një çantë të vogël të zezë mbi supe, ndërsa në dorën tjetër mbante qese pazari ngjyrë gri ndërsa shëtiti nëpër qytet.

Për aksesor, ajo kishte veshur një palë vathë argjendi dhe një gjerdan plotësues, së bashku me një sërë unazash në secilën dorë.

Flokët e zeza të këngëtares ishin të lidhura, një pjesë e të cilave u lanë përpara dhe një pjesë tjetër mbrapa.

Artistja me prejardhje nga Kosova kishte realizuar një makijazh delikat në fytyrën e saj.

Dua gjithashtu tregoi gamën e saj të tatuazheve në këtë paraqitje, duke përfshirë një zemër me tela me gjemba në krahun e saj.

Gjatë daljes, ajo u drejtua në dyqanin e modës Lodenfrey dhe hodhi një sy nëpër dyqane, përpara se të kthehej në Hotel Bayerischer Hof, Mynih. /Telegrafi/