“Drymades Inn” – vendi i preferuar i yjeve shqiptare për t’i kaluar pushimet dhe xhiruar klipet

Pas mbylljes në shtëpi që u bë pjesë e gjithë bota, e vetmja gjë që po i ngushëllon njerëzit janë pushimet verore.

Të pushosh në Shqipëri u kthye në nismë për të gjithë atdhedashësit ose ata që për shkak të mbylljes së kufijve nuk kanë ku të shkojnë tjetër.

Madje së fundmi kemi vërejtur se shumë fytyra të njohura shqiptare po përzgjedhin të pushojnë në bregdetin Jon – por në cilin vend saktësisht?

https://www.instagram.com/p/CBfv9wcja3M/

Me siguri se duke shfletuar në Instagram e keni vërejtur “check-in” nga “Drymades Inn Resort” që ndodhet në gjirin e Drimadhesit në Dhërmi.

Gjiko dhe Elita Rudi ishin disa prej fytyrave të njohura të cilët kaluan një javë të qetë e plot aventura në këtë resort të famshëm. Nga festimet e ditëlindjeve, udhëtimet me skaf e deri tek hedhja me parashutë nga mali i Llogarasë, ata na ofruan një guidë të plotë nëpërmjet postimeve në Instagram.

https://www.instagram.com/p/CBdqSN5FJRZ/

Përveç se i kalojnë pushimet, disa yje të estradës kanë zgjedhur që edhe xhirimet e videoklipeve verore t’i kryejnë në resortin e bukur, siç është Rina dhe Sin Boy me këngën e tyre “Fallin in Love” apo Butrint Imeri me projektin e fundit “Si përpara”.

Edhe Enca është parë duke shkrepur foto tejet provokative në të njëjtin vend – foto të cilat kanë bërë bujë mjaft të madhe.

https://www.instagram.com/p/CBgryM-FWzc/

Por, çfarë i tërheq VIP-at tonë për të shkuar në “Drymades Inn”?

Si fillim, lokacioni duket se është shumë afër detit. Shtëpizat e vogla që gjenden midis ullishteve e pemëve e krijojnë një freski në pikun e vapës dhe kjo duket të jetë një arsye tjetër.

Ndërkaq buzë detit nuk ka fare nevojë për luks, pasi që është natyra ajo që ta falë kënaqësinë më të madhe.

Përtej gatimeve të detit, tjetër arsye është siguria dhe rehatia kur i kalon pushimet familjare me fëmijët.

Vlen të ceket se ky vend ofron edhe aktivitete sportive ujore, organizime ditëlindjesh apo dasmash, etj.

Këtë vit, siç duket të gjithë do t’i kalojmë pushimet në Shqipëri – e pushimet më të mira do të kalohen në “Drymades Inn”, aty ku është mali e deti!

https://www.instagram.com/p/CCD9NbFgARH/