Dren Abazi me koncert fantastik në vitin e dhjetë jubilar (Foto)

Dren Abazi është shumë i pëlqyer nga publiku shqiptar.

Këngëtari me zë të ëmbël ka qenë mjaft aktiv me koncerte përgjatë dhjetë vjetëve karriere.

E kjo ka bërë që ai të mbaj dy koncerte recitale në kryeqytetin shqiptar të Tiranës.

Artisti ka publikuar disa imazhe në llogarinë personale në Instagram prej momenteve më të bukura të koncerteve.

Ai javë më parë ka treguar për Telegrafin se për se ka zgjedhur kryeqytetin shqiptar për të shënuar këtë vit jubilar.

“Kam zgjedhur Tiranën së pari, jo për ndonjë arsye të veçantë, thjesht kam pasur mundësi për ta realizuar siç kam dashur, duke filluar që nga salla koncertale adekuate, që në Prishtinë, fatkeqësisht nuk ekziston për momentin. Koncerti mbahet më datë 28 dhjetor në Sallën e Koncerteve të Katedrales Ortodokse në Tiranë”, tha Abazi.

Ndryshe, albumi i ri i këngëtarit është një përmbledhje e punës dhe produksioneve më të mira të tri viteve të fundit.

Lexo po ashtu Dren Abazi "Mes Yjesh"

“Të gjitha këngët që kam publikuar pas albumit “Afterparty” janë të përmbledhura në albumin tim të ri, i cili titullohet “Mes yjesh “. Normalisht që fansat do gjejnë edhe diçka të re aty”, tha Abazi. /Telegrafi/