Drejtori i Interit, Marotta shpreson të takohet me Milanin në finalen e Ligës së Kampionëve

Drejtori i Interit, Giuseppe Marotta shpreson që Nerazzurrët do të përballen me rivalët e qytetit, Milanin, në finalen e Ligës së Kampionëve, por këmbëngul se ata ‘shikojnë të ardhmen me optimizëm pavarësisht nga kundërshtari’.

Marotta ka folur për La Gazzetta dello Sport pas barazimit 0-0 kundër Portos, i cili i lejoi Interit të kualifikohej në çerekfinalet e Ligës së Kampionëve për herë të parë në 12 vjet.

Milani dhe Napoli gjithashtu janë kualifikuar, kështu që kjo do të thotë se Nerazzurrët dhe Rossonerët mund të çiftohen së bashku në shortin e së premtes.

Marotta beson se takimi me Milanin në fazën tjetër do të ishte i mirë për Interin.

Lexo po ashtu Inzaghi pas kualifikimit të Interit: Jam shumë i lumtur, krenarë me lojtarët

“Jemi të lumtur që jemi këtu dhe duam të vazhdojmë. Derbi do të ishte emocionues. Të gjithë do të flisnin për të dhe do të ekspozohej në mbarë botën, por do të ishte edhe më mirë të luanim derbin në Stamboll në finale”.

“Kjo do të ishte vërtet historike. Do të doja t’i them Milanit, do të shihemi në finale”.

“Pavarësisht nëse është Milani apo ndonjë klub tjetër, gjëja më e rëndësishme është të jesh në formë dhe të shkosh në ndeshje pa lëndime. Skuadra që kemi na lejon të shikojmë të ardhmen me optimizëm pavarësisht kundërshtarit”, ka thënë Marotta.

Lexo po ashtu Presidenti i Interit dëshiron të takohet me Milanin në çerekfinale të Ligës së Kampionëve

Nerazzurrët fituan dy derbi nga tre këtë sezon, por u eliminuan dy herët e fundit kur u takuan me rivalët e tyre të qytetit në Ligën e Kampionëve, më 2003 dhe 2005.

Në çerekfinale të Ligës së Kampionëve këtë sezon do të jenë tre klube të Serie A dhe katër trajnerë italianë, një rezultat që dëshmon se futbolli italian është ende i gjallë. /Telegrafi/