“Dora e Zotit”, goli dhe deklarata e paharrueshme e Diego Maradonas në botërorin e vitit 1986

Diego Maradona ka ndërruar jetë të mërkurën në moshën 60-vjeçare pas një sulmi në zemër, por emri i tij do të mbahet mend gjithmonë në botën e futbollit.

Dita e mërkurë ishte e kobshme për sportin e në veçanti për futbollin, pasi legjenda argjentinase Maradona vdiq në shtëpinë e tij në Buenos Aires.

Pas konfirmimit të vdekjes së tij u pushtuan rrjetet sociale nga fotografi, video, thënie dhe kujtime në nder të tij.

Lexo po ashtu Çastet dhe fjalët e fundit të Maradonas para se të ndërronte jetë

Megjithatë, jeta dhe vepra e tij futbollistike asnjëherë nuk do të harrohet dhe Maradona do të kujtohet si njëri nga më të mëdhenjtë e historisë.

Njëri nga momentet më ikonike të karrierës së Maradonës padyshim se është goli i shënuar në përballjen e Argjentinës me Anglinë në çerekfinale të Kupës së Botës 1986.

Në fund të pjesës së parë, ndërsa loja ishte ende e barabartë 0-0, Maradona kishte filluar të ndikonte në rezultatin përfundimtar të ndeshjes. Gjashtë minuta në pjesën e dytë të lojës, Maradona nxori topin nga zona me këmbën e majtë dhe ia kaloi shokut të skuadrës Jorge Valdano.

Valdano u përpoq të kalonte disa mbrojtës anglezë, por topi iu kap dhe përfundimisht u pastrua drejt portës së Anglisë nga mesfushori anglez Steve Hodge.

Për shkak të pozitës së lojtarëve, Maradona do të ishte kapur në pozitë jashtë loje, por ndërsa topi doli nga një kundërshtar, ai ishte në pozitë të rregullt dhe i vetëm brenda zonës së penalltisë dhe me topin në rënie, Maradona arriti topin para portierit Peter Shilton, duke u futur topin në rrjetë me dorën e majtë.

Grushti i Maradonas, i cili u ngrit afër kokës së tij, preku topin së pari dhe u fut në portën e Anglisë. Maradona filloi të festonte ndërsa vështronte anash gjyqtarin për konfirmim. Ai më pas festoi plotësisht golin kur u pranua.

Pas ndeshjes, Diego Maradona deklaroi se goli u shënua “pak me kokë, dhe pak me dorën e Zotit”.

“Dora e Zotit” ishte një frazë e përdorur nga ish-futbollisti argjentinas për të përshkruar këtë gol gjatë ndeshjes çerekfinale të Argjentinës kundër Anglisë, gol i cili doli të jetë ndër më vendimtarët, pasi Argjentina atë vit fitoi Kupën e Botës. /Telegrafi/