Dojna Mema është prezantuesja e re e festivalit më të madh të muzikës moderne, Top Fest.
Bukuroshja 23-vjeçare është e zgjedhura e televizionit Top Channel për të drejtuar edicionin e 12-të të festivalit. Për ta njohur më shumë publikun Dojnën, televizioni ka realizuar kë reportazh për vazjën që rrëmbeu sivjet mikrofonin e drejtueses…
Nis edicioni i ri i festivalit të muzikës moderne “Top Fest 12”Ajo ka studiuar në Liceun Artistik “Jordan Misja” në Tiranë për piano. Por në studimet e larta zgjodhi të braktisë muzikën dhe të marrë një drejtim tërësisht ndryshe, atë të marrëdhënieve me publikun. Sivjet, ajo sapo është diplomuar në këtë degë.
Dy vite më parë, Dojna vendosi të eksplorojë në një tjetër fushë: Prezantimin. Prej atëherë, ajo drejton në Top Albania Radio programet “Live from Tirana”, “The top list” dhe “Versus”.
Zëri i dashur për dëgjuesin, shumë shpejt do të kishte edhe një fytyrë të bukur, kur Dojna zgjidhet të drejtojë programin “My music chart” në kanalin “My music”, të “Digitalb”.
Për herë të parë, prej ditës së sotme, Dojna e gjen veten përpara një publiku. Një përvojë, të cilën e reja po e shijon shumë dhe që e fitoi duke u bërë pjesë e një audicioni të zakonshëm. Shkathtësia, zgjuarsia dhe pamja e saj joshëse po e ndihmojnë të ngjitet me hapa të shpejtë.
Ku do ta shohim Dojnën në të ardhmen? E sigurt është se nga e hëna në të enjte, prej orës 15:30-16:30, bukuroshja do të jetë imazhi qendror i ekranit në Top Channel, ku krah saj do të ngjisin skenën artistë të muzikës moderne shqiptare. /tch/Telegrafi/
