Dogana e Kosovës ka vlerësuar se Marrëveshja e Tregtisë së Lirë në mes të Kosovës dhe Turqisë konfirmon synimin e palëve të jenë pjesë aktive në procesin e integrimit ekonomik evropian, duke e shprehur gatishmërinë e bashkëpunimit në gjetjen e mënyrave dhe mjeteve për të forcuar këtë proces.

Sipas Doganës, gjatë zbatimit të kësaj marrëveshje Turqia dhe Kosova do të krijojnë gradualisht një zonë dypalëshe të tregtisë së lirë, ku lëvizja e lirë e mallrave dhe shërbimeve janë të garantuara reciprokisht.

“Shërbimet do të jenë subjekt i negocimit menjëherë pas hyrjes në zbatim të kësaj marrëveshje”, thuhet në njoftim, përcjell Telegrafi.

Gjashtë vjet pas nënshkrimit hyn në fuqi Marrëveshja e Tregtisë së Lirë ndërmjet Kosovës dhe Turqisë Gjashtë vjet pas nënshkrimit hyn në fuqi Marrëveshja e Tregtisë së Lirë ndërmjet Kosovës dhe Turqisë

Marrëveshja e Tregtisë së Lirë midis Kosovës dhe Turqisë hyri në fuqi më 1 shtator, apo gjashtë vjet pas nënshkrimit të saj. /Telegrafi/