Djali i presidentit të Serbisë i infektuar me coronavirus

Danilo Vuçiq, djali i presidentit të Serbisë, ka dalë pozitiv në testin për coronavirus.

Kjo është bërë e ditur përmes profilit zyrtar në Instagram të presidentit serb, Aleksandar Vuçiq, përcjell Telegrafi.

“… Danilo i im më tha se dorëzimi nuk është një opsion. Fëmija im i parë u infektua me coronavirus dhe tabloja e tij klinike ishte e tillë që ai u pranua në Klinikën e Sëmundjeve Infektive. Bir, do të fitosh. Babi të do, të gjithë të duam”, ka shkruar Vuçiq.

https://www.instagram.com/p/B-uveOfBoxL/?utm_source=ig_web_copy_link

Ndryshe, presidenti serb nuk ishte paraqitur në një konferencë ditë më parë dhe në vend të tij ishte paraqitur ministri i Financave i Serbisë, Sinisha Mali dhe presidenti i Dhomës së Tregtisë Serbe, Marko Cadez.

Lexo po ashtu "Nuk ndjehet mirë": Vuçiq do t'iu drejtohet serbëve në 48 orët e ardhshme

Ata në vend të Vuçiqit kishin treguar masat e fundit që do të marrin për të shpëtuar ekonominë në Serbi, e cila është goditur nga epidemia e coronavirusit.

Sipas medieve serbe, në fjalën e tij, Mali tha se masat duhej të ishin paraqitur nga presidenti i Serbisë Aleksandar Vuçiq, por se ai aktualisht nuk po ndihet mirë. /Telegrafi/