Ekipet e futbollit U-15 të Portugalisë dhe Kroacisë luajtën sot ndeshjen finale të turneut përkujtimor "Vlatko Marković" në Çakovec, ku porugezët e vegjël fituan 3-2.
Të dyja ekipet fituan grupet e tyre me 7 pikë, duke siguruar kështu një vend në finale, dhe ndeshja është shënuar nga Cristiano Ronaldo Junior, i cili shënoi dy gola.
Portugalia mori epërsinë 1-0 në minutën e 13-të, dhe shënuesi i golit të parë ishte Ronaldo Junior, djali i njërit prej futbollistëve më të mirë në histori.
Ai gjuajti fuqishëm nga një pozicion jashtëzakonisht i vështirë dhe shënoi një gol për të kaluar në epërsi ekipin e tij.
14-vjeçari Cristiano Junior do ta kujtojë këtë gol sepse ishte goli i tij i parë për ekipin kombëtar portugez dhe e festoi atë në stilin e të atit.
Kroacia barazoi rezultatin në minutën e 26-të, kur Ivan Ćaleta shënoi, dhe rezultati ishte 1-1 në pjesën e parë.
Sapo filloi pjesa e dytë, Ronaldo Junior shënoi golin e dytë të ndeshjes. Pas një krosi të shkëlqyer nga një shok skuadre në të djathtë, ai mbeti vetëm në shtyllën e majtë dhe e shënoi me kokë në portën e zbrazët për t’i dhënë Portugalisë epërsinë 2-1.
Të dy ekipet shënuan edhe nga njëherë për pjesën e mbetur të takimit që u mbyll 3-2. /Telegrafi/
