Google nuk donte të lejojë që informatorët të shkatërrojnë befasinë, kështu që bëri lëvizjen e pazakontë të zbulimit të imazheve të veta të telefonit të ardhshëm, shumë muaj përpara lansimit. 

Por ka shumë më tepër që ne nuk dinim për dizajnin e ardhshëm të Google Pixel. Deri tani. 

Imazhet e reja vijnë nga një burim i njohur. Burimi është Steve Hemmerstoffer i cili vepron si @onleaks online, që ndau këto imazhe nëpërmjet Pricebaba. 

Hemmerstoffer ka një rezultat të mirë me rrjedhje të tilla, prandaj ka arsye për të besuar se këto imazhe janë të sakta.

Google Pixel 4 XL është i njohur të ketë një rrjet katror të kamerave të pasme, që përmban të paktën dy kamera, ndoshta tre. Për momentin nuk e dimë saktësisht se çfarë do të bëjë Google me kamerat.

Pjesa më e madhe e kësaj ishte e njohur më parë, prandaj risia e vërtetë këtu është rreth pjesës së përparme të telefonit. 

Ajo që është më e habitshme është se Google nuk duket se po ndjek një dizajn pa kroniza, por mban një shirit në pjesën e sipërme. 

Ju mund të shihni se ka një altoparlant dhe kamerë të dyfishtë, së bashku me sensorë të tjerë në pjesën e përparme – të gjitha të cilat ishin të përfshira brenda nivelit në pjesën e përparme të Pixel 3 XL. 

Kjo rrjedhje gjithashtu shkon pak më tej, duke thënë se ekrani pritet të jetë 6.25 inç në diagonale, me telefonin që mat 160.4 x 75.2 x 8.2mm, duke e bërë atë pak më të madh se telefoni i mëparshëm.

Nuk presim të shohim këtë pajisje deri në tetor 2019, por shtytja e madhe do të jetë në kamera. /Telegrafi/