Ditë më parë u nis me veturë që të blinte një Lamborghini, pesëvjeçarit i plotësohet dëshira që të bëjë xhiro me veturën e tij të preferuar

Kishte vetëm tre dollarë në xhep, por ishte i vendosur që të blinte një Lamborghini, andaj u nis me veturë dhe voziti për disa kilometra

Adrian Zamarina është pesëvjeçari nga Utah e Shteteve të Bashkuara, që u bë lajm ditë më parë, pasi u ndalua nga policia në një autostradë, derisa voziste veturën e familjes, ndërsa arsyeja për ku ishte nisur, ishte më se e çuditshme, transmeton Telegrafi.

Megjithëse nuk i kishte më shumë se tre dollarë në xhep, ishte i mitur dhe nuk kishte patentë shoferi, ai kishte vozitur për disa kilometra që të blinte një Lamborghini, sepse nëna saj nuk po ia blinte.

Lexo po ashtu Policia ndalojnë veturën në autostradë, por çfarë të shihnin – shofer ishte një pesëvjeçar

Atë e kthyen në shtëpi dhe ia tërhoqën vërejtjen, derisa familjarët e dënuan që t’i kryente disa detyra të shtëpisë, ndërsa të qëndrojë shumë larg çelësave të makinës.

Por, një entuziast i makinave Lamborghini, duke parë dëshirën shumë të madhe të vogëlushit për këto makina, ka vendosur t’i shkojë në shtëpi dhe ta merr për një xhiro me makinën e tij të preferuar, që nuk më herët nuk e ka parë nga afër.

Deri më tani, Adriani ka kaluar shumë orë në ditë, duke e parë Lamborghinin në telefon, ndërsa tash e përjetoi edhe një xhiro me të, derisa një pikë shitëse e Lamborghinit i ka ofruar që ta vizitojë dhe ta vozisë, por nën përkujdesjen e duhur. /Telegrafi/