Disa të plagosur nga të shtënat me armë pranë një plazhi në Hollywood, Florida – pamje që tregojnë panikun e krijuar

Nëntë persona u qëlluan, duke përfshirë një fëmijë një vjeçar, gjatë një grindjeje të hënën mes dy grupeve pranë një zone të frekuentuar të plazhit në Hollywood, Florida.

Sipas mediave të huaja, përcjell Telegrafi, policia ka arrestuar një person, por është ende në kërkim të një të dyshuari tjetër, i cili u përshkrua si një burrë me ngjyrë, u tha gazetarëve zëdhënësja e Departamentit të Policisë së Hollivudit, Deanna Bettineschi.

Të lënduarit janë të moshës nga 1 deri në 65 vjeç, ka thënë më tej Bettineschi.

Autoritetet thonë se të shtënat kanë ndodhur në një vendkalim këmbësorësh i mbushur me palma që përshkon plazhin dhe përmban restorante dhe dyqane.

Zhurmat e armëve i shtynë njerëzit të iknin nga trotuari i zënë dhe në rërën aty pranë, tregojnë pamjet nga transmetimet e drejtpërdrejta të kamerave të plazhit të qytetit.

Kur policia iu përgjigj thirrjes rreth orës 18:45, ata zbuluan se nëntë persona kishin pësuar plagë me armë zjarri, tha Bettineschi.

Megjithëse zëdhënësi i spitalit tha se të gjitha viktimat ishin në gjendje të qëndrueshme, Bettineschi vuri në dukje se një person po i nënshtrohej një operacioni të hënën vonë.

Autoritetet kanë kërkuar nga njerëzit që të shmangin zonën ndërsa hetimet vazhdojnë. /Telegrafi/