Disa nga ‘faktet pse nisma nuk ka të ardhme’, profesori amerikan thotë se Lavrov i dha ‘puthjen e vdekjes Ballkanit të Hapur’

Edward P. Joseph, ligjërues në Universitetin Johns Hopkins në Uashington, ka vlerësuar se ministri i Jashtëm i Rusisë, Sergei Lavrov ia ka dhënë “puthjen e vdekjes” iniciativës ‘Ballkani i Hapur’.

“Ashtu si falënderimi që shkon për Putinin për ‘freskimin’ e NATO-s, komplimente për Sergei Lavrov që i dha puthjen e vdekjes iniciativës Ballkanit të Hapur”, ka shkruar fillimisht Joseph në Twitter, përcjell Telegrafi.

Lexo po ashtu Rusia mbështet "Ballkanin e Hapur", Lavrov e quan nismë të Beogradit zyrtar

Sipas tij, kjo ide e administratës së ish-presidentit amerikan, Donald Trump avancon agjendën e partnerit strategjik të Rusisë në rajon, Serbisë, nën udhëheqjen e presidentit Aleksandar Vuçiq.

1/ Just as thanks go to #Putin for injecting life into @NATO, kudos to #SergeyLavrov for giving the kiss of death today to #OpenBalkan. This #Trump Administration brainchild advances the agenda of #Russia’s strategic partner in the region, #Serbia, under @avucic. 🧵

— Edward P. Joseph (@edwardpjoseph) June 7, 2022

Në këtë kontekst, ai ka vënë në pah faktin se si edhe mediumi kryesor i Rusisë, “Sputnik Serbia” ka mbështetur vazhdimisht ‘Balkani i Hapur’.

2/ #Russia’s main outlet in the country, Sputnik Serbia @rs_sputnik, has supported #OpenBalkans consistently. And why not?

— Edward P. Joseph (@edwardpjoseph) June 7, 2022

“Dhe pse jo? Ballkani i Hapur është ftesë e hapur për Vuçiqin që të shfrytëzojë madhësinë ekonomike të Serbisë për përfitime politike – pa kufizime politike apo vlera të BE-së. Open Balkan = ‘Bota Serbe’ nëpërmjet tregut për fqinjët më të vegjël të Serbisë”.

3/ #OpenBalkan is open invitation for #Vucic to exploit #Serbia’s economic size for political advantage – free from political constraints or values of #EU. #OpenBalkan = ‘Serb World’ via the marketplace for Serbia’s smaller neighbors.

— Edward P. Joseph (@edwardpjoseph) June 7, 2022

Në këtë drejtim, Joseph ka tërhequr vërejtjen duke thënë se ajo që ka rëndësi është karakteri i regjimit me të cilin bëni tregti.

4/ Believing @avucic wants to join the #EU, US officials have bought into the notion that ‘#Trade Equals #Trust.’ What counts is the character of the regime you are trading with. Ask #Ukraine: up to 24 Feb, Russia has been a top trading partner of #Kyiv, for exports and imports.

— Edward P. Joseph (@edwardpjoseph) June 7, 2022

“Pyeteni Ukrainën: deri më 24 shkurt, Rusia ka qenë partneri kryesor tregtar i Kievit, për eksporte dhe importe. Pyeteni Japoninë, Korenë e Jugut ose Tajvanin, nëse tregtia ka ndërtuar besim me Kinën”.

6/ Same story in the #Balkans. #Serbia is #Montenegro’s number one trading partner, for imports and exports – and #Belgrade is in last place in terms of trust. Montenegro PM's recent endorsement of #OpenBalkan has exacerbated divisions in the country.

— Edward P. Joseph (@edwardpjoseph) June 7, 2022

“E njëjta histori vlen në Ballkan. Serbia është partneri tregtar numër një i Malit të Zi, për importe dhe eksporte – dhe Beogradi është në vendin e fundit për sa i përket besimit”.

8/ As @EBRD has noted in its #Bosnia diagnostic, the core economic problems are political in nature. Just as #Putin has boosted @NATO, hopefully #Lavrov will boost the alternatives to #OpenBalkan that build a Regional Common Market on common #EU values.

— Edward P. Joseph (@edwardpjoseph) June 7, 2022

“Ashtu siç ka arritur Putin të bëjë me NATO-n, shpresojmë se Lavrov do të nxisë alternativat për Open Balkan që ndërtojnë një treg të përbashkët rajonal mbi vlerat e përbashkëta të BE-së”, ka shkruar më tej profesori i Universitetit Johns Hopkins në Uashington, Edward Joseph.

Lexo po ashtu Pas anulimit të vizitës së Lavrovit në Beograd dhe mbështetjes së Ballkanit të Hapur nga Rusia – reagon Bugajski: Bën thirrje të mos ndiqet axhenda Moskë-Beograd  

Reagimi i Joseph vjen pasi shefi i diplomacisë ruse, Sergei Lavrov, gjatë një konference në të cilën ka folur rreth anulimit të vizitës së tij në Serbi, ka përmendur edhe iniciativën “Ballkani i Hapur”.

“… Natyrisht, udhëheqësit e Brukselit nuk donin të konfirmonin qëndrimin e Rusisë për Kosovën dhe BeH, për të shprehur mbështetjen për nismën e Beogradit për Ballkanin e Hapur dhe për të diskutuar interesat për përmirësimin e marrëdhënieve midis vendeve të rajonit”.

Ndryshe, Ballkani i Hapur është iniciativë që është duke u mbështetur nga Serbia, Shqipëria dhe Maqedonia e Veriut.

Ndërkohë Kosova dhe Bosnjë e Hercegovina vazhdojnë ta refuzojnë, me Malin e Zi që ka dhënë sinjale se mund t’i bashkohet kësaj iniciative. /Telegrafi/