Dimitrov: Thonë se protokolli bilateral nuk ka lidhje me kornizën negociuese, kjo është gënjeshtër e madhe

Ish-ministri i Punëve të Jashtme i Maqedonisë, Nikolla Dimitrov, ka reaguar në rrjetin social Facebook duke thënë se me dokumentet e publikuara nga përkthimi në gjuhën maqedonase të Qeverisë, është sqaruar se protokolli bilateral nuk ka të bëjë me kornizën, përkatësisht me pretendimet se çështjet historike dhe të tjera nuk kanë të bëjnë me procesin e anëtarësimit, dhe kjo sipas tij është një gënjeshtër e madhe.

“Pra! Pretendimi se protokolli dypalësh (historik dhe çështje të tjera) nuk ka lidhje me kornizën (procesin e anëtarësimit) dhe se këto janë dy procese të veçanta dhe se zbatimi i protokolleve nuk do të ndikojë në dinamikën e procesit të anëtarësimit, thjesht nuk është e vërtetë! Ose edhe më drejtpërdrejt, është një gënjeshtër e madhe! Çështjet dypalëshe tani do të bëheshin legjitime nga pala evropiane bullgare dhe me pëlqimin tonë. Dhe nga kjo, nuk do të ketë shpëtim apo riparim. Në dokumentet e publikuara (përkthimin e qeverisë në gjuhën maqedonase), bardhë e zi shkruhet pikërisht e kundërta. Këshilli mirëpret nënshkrimin e protokollit të dytë, i cili është një element thelbësor i procesit të anëtarësimit. Komisioni Evropian do të monitorojë progresin në reformat në të gjitha fushat, dhe do t’i kushtojë vëmendje të veçantë dokumenteve nga neni 12. Këshilli do të marrë parasysh vlerësimet e komitetit për progresin e reformës dhe progresin në pikat dypalëshe sipas nenit 12 kur të vendosë për çdo hap të mëtejshëm për kapitujt ose grupimet. Bullgaria do të sigurojë që historia të jetë po aq e rëndësishme sa sundimi i ligjit, nëse duam të ecim përpara”, ka shkruar Dimitrov, duke bashkangjitur dhe pjesë nga pikat dyshuese që ai thotë se janë gënjeshtra.

Ndryshe, kujtojmë se Dimitrov mbetet njëri nga politikanët i cili që në fillim doli kundër propozimit francez.