Ministri i Jashtëm dhe bartësi i listës në njësinë zgjedhore numër 1 nga radhët e LSDM-së, Nikolla Dimitrov thotë se përpjekjet e Siljanovskës për anulim të Marrëveshjes së Prespës janë rrezik për të ardhmen e Maqedonisë.

“Dëgjuam në fundjavë se Siljanovska ka kërkuar të anulohet Marrëveshja e Prespës. Marrëveshje që u mbështet nga 610.000 qytetarë të Maqedonisë që votuan ‘për’ në referendum. Marrëveshje që u mbështet nga 2/3 e deputetëve në Kuvend. Marrëveshje që na anëtarësoi në NATO dhe na hapi dyert për anëtarësim në BE”, tha Dimitrov, njofton Telegrafi Maqedoni.

Ai pyeti Siljanovskin nëse do të ishte deputete në përbërjen e tashme në Kuvend si do të votonte në pyetjen nëse jeni për ratifikim të Protokollit për anëtarësim të Maqedonisë së Veriut në NATO.

“E kuptoj Siljanovskën e cila vepron ndryshe dhe turpërohet nga partia që e ka kandiduar dhe që është bartëse në listë. Edhe unë do të ndjehesha i turpëruar”, tha mes tjerash Dimitrov./Telegrafi/