Dielli përvëlon Gjevgjelinë (Foto)

Dielli dhe temperaturat e larta sot kanë marrë një jetë sot në Maqedoni dhe kjo ka ndikuar që mjekët dhe Ministria e Shëndetësisë të ngrisin zërin duke i këshilluar qytetarët që të qëndrojnë në vende të freskëta dhe të mos ekspozohen në vende me diell pa nevojë.

Një grua e moshës 47 vjeçare nga Shkupi si pasojë e motit të nxehtë dhe temperaturave të larta ka ndërruar jetë dje në afërsi të Parkut të qytetit në Shkup, shkruan Telegrafi Maqedoni. Mjeku kujdestar në Ndihmën e Shpejtë në Klinikat e Shkupit ka thënë se vdekja ka ardhë pasi viktima ka dalë në hapësirë pa hije, nga një vend me kondicioner dhe kjo ka qenë fatale për të.

Por ku ka qenë më nxehtë sot?
Gjevgjelia ka mbajtur vendin e parë për temperatura të larta ku janë matur 40 gradë celsius. Këtë e tregon edhe matësi i temperaturës në qendër të qytetit.

Përveç Gjevgjelisë, nxehtë ka qenë edhe në Strumicë me 37 gradë, Vinicë, Manastir dhe Shkup prej 36 gradë, Tetova dhe Ohri ka pasur temperatura prej 34 gradë celsius kurse më freskët ka qenë në Mavrovë me 30 gradë!