Di Maria i përgjigjet Ronaldos dhe i tregon pse nuk është lojtari më i mirë në botë

Angel Di Maria ka dhënë një intervistë për Infobae për të parë karrierën dhe sukseset e tij me kombëtaren argjentinase. ‘El Fideo’ gjithashtu u pyet drejtpërdrejt për mendimin e tij për fjalët e Cristiano Ronaldos në intervistën e tij në LaSexta, në të cilën ai pretendonte se ishte lojtari më i mirë në histori.

Ylli argjentinas ka shpërfill ish-bashkëlojtarin e tij te Real Madridi, Ronaldon, për të vlerësuar më lartë bashkëkombësin e tij, Lionel Messin.

“Unë tashmë e njoh atë, kam qenë me të për katër vjet. Nuk jam i befasuar nga deklaratat e Cristianos, ai gjithmonë i bënte ato deklarata, ai donte të impononte atë që donte të ishte, atë që gjithmonë u përpoq të ishte, të ishte më i miri”, ka thënë fillimisht Di Maria.

“Ai lindi në një gjeneratë… në një kohë të keqe kur lindi një tjetër që u prek nga shkopi magjik dhe ja ku është ai – xhuxhi është këtu – ky është realiteti. Kjo tregon në shifra, tregon në gjithçka”.

Lexo po ashtu Di Maria kalon Messin për më shumë asistime në histori të Ligës së Kampionëve, gati ta thyejë rekordin e Ronaldos

“Njëri ka tetë Topa të Artë, pesë tjetri, ka një ndryshim shumë të madh me një kampion tjetër, ka edhe një tjetër Kupën e Botës. Ka shumë dallime, shumë dhe më pas, a më kuptoni në çdo minutë të lojës që njëri bën përpjekje në çdo gjë dhe tjetri luan sikur të ishte në oborrin e shtëpisë”.

“Të gjithë e dinë se çfarë do të bëjë Leo dhe ai arrin të njëjtin qëllim si gjithmonë dhe vazhdon ta bëjë atë. Ai ka bërë të njëjtën gjë për 18 ose 20 vjet dhe të gjithë thonë ‘ti e di se çfarë do të bëjë’. Epo, markoje nëse e di se çfarë do të bëjë. Dhe ai bën të njëjtën gjë”.

“Dhe ai do të jetë ende i tillë në moshën 40 vjeçare, por edhe Cris është i tillë, ai gjithmonë ka qenë i njëjti. Për mua Leo është më i miri në botë dhe më i miri në histori pa dyshim dhe pastaj jemi te Benfica dhe ai (Cristiano) është nga rivalët”, përfundoi kampioni i botës me Argjentinën.

Lexo po ashtu Di Maria: Ronaldo përfaqëson punën, Messi është talent i pastër – diferenca është e madhe

Di Maria luajti me Cristianon dhe Messin

Di Maria është një nga lojtarët që mund të mburret se ka luajtur me Ronaldon, me të cilin përkoi për katër sezone në Real Madrid, dhe Messin, me të cilin ka luajtur në kombëtaren argjentinase dhe gjithashtu në Paris Saint-Germain.

Së bashku me Cristianon ai fitoi dy Copa del Rey, një La Liga dhe një Ligë të Kampionëve, ndërsa me Messin ai ka fituar një Kupë Bote, dy Copa America, si dhe një Ligue 1. /Telegrafi/