Dhjetë emrat që duhet t’i ndiqni në La Liga këtë sezon (Foto)

Sonte ka filluar sezoni i ri i La Liga, që do të ketë me vete shumë yje të njohur që ishin dhe yjet të reja që kanë ardhur.

Gara për titull dhe ecuria në Ligën e Kampionëve do të bëjnë që shumëçka të vendohet në fund.

Barcelona, Real Madrid e Atletico shihen si skuadra fituese edhe në Evropë, duke dominuar dukshëm në vitet e fundit, për këtë edhe kjo ligë shihet si interesante.

Marca ka zgjedhur dhjetë personazhe të sezonit 2016/17 që duhet të përcjellën nga simpatizuesit e këtij kampionati, transmeton Telegrafi.

Zinedine Zidane (Real Madrid)

Trajneri francez është në sezonin  tij të parë nga fillimi, pasi vitin e shkuar ai kishte marrë në dorë punën e lërë në gjysmë nga Rafa Benitez, por kishte arritur të fitonte Ligën e Kampionëve. Real Madridi ka fituar vetëm një titull në tetë vitet e fundit dhe ‘mbretërit’ pritet të kthehen të luftojnë fuqishëm për këtë trofe.

Luis Suarez (Barcelona)

Për vite me radhë ‘Pichichi’ është fituar vetëm nga Lionel Messi dhe Cristiano Ronaldo, por Suarez e fitoi këtë vitin që shkoi. Mbrojtjet i frikësohen atij aq sa i frikësohen Messit.

Kevin Gameiro (Atletico)

Pas shumë peripecive trajneri i Atletico Madridit, Diego Simeone, arriti të nënshkruaj me Gameiro nga Sevilla. Ai ka shënuar 29 gola sezonin shkuar në të gjitha garat.  Ai pritet ta krijojë një dyshe të frikshme me Antoine Griezmannin.

Pato (Villarreal)

Pato ka zbarkuar në El Madrigal këtë verë për të treguar se mund të luajë në Evropë. Pas lëndimit të Roberto Soldado ai do ta udhëheq sulmin e ‘Nëndetëse së verdhë’.

Kevin Prince Boateng (Las Palmas)

Sikurse Pato edhe ardhja e Boateng në La Liga ka befasuar shumëkënd. Ganezi do të luajë për skuadrën e Las Palmas dhe mund të kthehet në lojtarin kryesor të tyre.

Nani (Valencia)

Pas përfundimit të marrëveshjes me Manchester United, Nani kaloi te Fenerbahce në Turqi. Ai aty u ringjall si lojtar. Ai fitoi edhe Kampionatin Evropian me Portugalinë ku kishte paraqitje të mira. Pritet të ketë paraqitje e mire edhe në Mestalla.

Sampaoli (Sevilla)

Pas largimit të Unai Emery drejt Paris Saint-Germain, Jorge Sampaoli erdhi si zëvendësim te Sevilla. Ai shihet që është trajner i mirë, pasi kishte suksese dhe me Kilin.  Ai është një nga karakteret interesante që do të jenë në La liga.

Martin Mantovani (Leganes)

Nuk janë vetëm flokët me ngjyrë të kaltër që e bëjnë special mbrojtësin e Leganes, pasi ai e ndihmoi skuadrën e tij të ngjitet në nivelin elitar. Një fjalim i jashtëzakonshëm i 32 vjeçarit ishte bërë si katalizator për sukseset e skuadrës dhe ky mund të jetë edhe shpëtim për të mos rënë nga La Liga.

Paco Jemez (Granada)

Pas një sezoni të mirë me Rayo Vallecano, Jemez kishte kërkuar largimin. Edhe pse ishte kërkuar nga shumë skuadra, tranjeri kishte vendosur të kalonte te Granada për ta udhëhequr.

Inaki Williams (Athletic Club)

Produkt i akademisë së Athletic Bilbaso. Kjo akademi ka prodhuar disa lojtarë të mirë në vitet e fundit dhe sulmuesi është një nga ta. Ai ka pasur lëndime, por ky sezon mund të jetë i duhuri për të shpërthyer. /Telegrafi/