I dha mesazh të koduar përmes facoletës? Reagon motra e Dianës: Ftoj produksionin t’i kthejë kamerat, ato m’i dha një punëtor para se të hyja

Konkurrentja Diana Tahiri ka qenë në qendër të diskutimeve pas një ngjarje surprizuese që ndodhi mbrëmjen e së martës në Big Brother VIP Kosova. Ajo u befasua nga një vizitë e papritur nga motra e saj, Adriana, e cila shkaktoi reagime të shumta nga shikuesit dhe ndjekësit e programit.

Sipas disa spekulimeve të para, vizita e Adrianës ishte për t’i dhënë disa mesazhe të koduara Dianës përmes një facolete që motra mbante në duar. Disa nga shikuesit menduan se facoleta mund të kishte një lloj komunikimi të fshehtë lidhur me qëndrimin e familjes së Dianës për lidhjen që ajo ka krijuar brenda shtëpisë së Big Brother VIP Kosova me Arionin.

Megjithatë, disa orë më vonë, pas gjithë kësaj përmendjeje në media dhe rrjetet sociale, Adriana ka reaguar në faqen zyrtare të Dianës në Instagram, duke sqaruar të vërtetën e situatës. Në një postim të gjatë dhe të qartë, Adriana ka mohuar çdo lidhje me spekulimet që qarkullonin. Ajo ka theksuar se nuk kishte shkruar asnjë germë për Dianën dhe ka kërkuar që të rishikohen kamerat e sigurisë për të verifikuar që ajo nuk kishte dërguar asnjë mesazh të koduar.

“Me përgjegjësi të plotë i bëj thirrje produksionit që t’i kthej të gjitha kamerat. Nuk kam shkruar asnjë germë të vetme për Dianën, siç po vërshojnë rrjetet sociale. Nëse vetëm një germë ka qenë e shkruar, unë jam e gatshme të përgjigjem para drejtësisë”, ka shkruar Adriana në postimin e saj. Ajo ka sqaruar gjithashtu se facoleta që mbante ishte thjesht një aksesor i rastit, që ia dha një punonjës i programit për disa sekonda dhe se nuk kishte asnjë mesazh të fshehur për motrën e saj.

“Ndërkohë, e kuptoj Dianën se mund të ketë qenë e hutuar nga emocionet, sepse edhe unë isha shumë e emocionuar kur i thashë atë lajm, duke ditur sa shumë ajo ka pritur konfirmimin për të qenë pjesë e Big Brother”, ka shtuar Adriana.

Ky reagim i saj ka qetësuar disi situatën dhe ka sjellë më shumë qartësi për atë që ka ndodhur gjatë vizitës në shtëpinë e Big Brother VIP Kosova. Ajo ka shprehur respekt për motrën e saj dhe ka kërkuar që të mos krijohen keqkuptime rreth asaj që ndodhi. Pas këtyre sqarimeve, duket se gjithçka ka përfunduar pa asnjë mesazh të koduar dhe se vizita e motrës ka qenë thjesht një moment emocional dhe mbështetjeje për Dianën. /Telegrafi/