Detaje tronditëse nga rasti i 35-vjeçarit që izoloi familjarët në Tiranë, instaloi kamera dhe montoi bllokues valësh – gruaja tentonte të vetëvritej

Një 35-vjeçar është vënë në pranga pasi mbante mbyllur në banesë nënën, bashkëshorten dhe vajzën e tij të mitur në Tiranë.

Sa herë që ai largohej, ju ndalonte komunikimin me persona të tjerë, si dhe ushtronte dhunë fizike dhe psikologjike, në mënyrë të vazhdueshme, ndaj bashkëshortes.

Nga hetimet e kryera ka rezultuar se kryefamiljari Jetnor Zhaboli, sa herë largohej nga banesa, i monitoronte me kamera dhe ju bllokonte valët e telefonit duke mos i lejuar të komunikojnë me asnjë person, raporton Top Channel.

Jetnor Zhaboli ishte me profesion ekonomist. Prej fillimit te marrëdhënies ka qene xheloz dhe kontrollues, por me kalimin e kohës u bë edhe me shumë.

Lexo po ashtu Rrihte dhe mbante të izoluar nënën, gruan dhe vajzën e mitur, arrestohet 35-vjeçari në Tiranë

Kishte instaluar kamera në çdo cep të banesës madje edhe në dhomën e gjumit dhe në tualet dhe i monitoronte nga celulari, kur nuk ishte në banesë. Kishte montuar bllokues valësh që familjaret të mos bënin telefonata të pa kontrolluara.

Kjo jetesë i kishte shkaktuar stres bashkëshortes së tij e cila kishte tentuar vetëvrasjen. Në banesë policia gjeti dy letra që gruaja kishte shkruar për familjaret e saj, ku iu linte lamtumirën dhe u kërkonte falje.

Këtë dhunë e përjetonte edhe nena e tij e cila ishte e pafuqishme për të kundërshtuar të birin dhe për të mbrojtur nusen dhe nipërit. /Telegrafi/