Detaje nga shpërthimi në Abu Dhabi, autoritetet raportojnë se bëhet fjalë për rrjedhje të gazit

Ekipe të mbrojtjes civile në Abu Dhabi të Emirateve të Bashkuara Arabe, kanë njoftuar se të martën kanë fikur zjarrin e shkaktuar nga bombolat e gazit, derisa ambasada amerikane ka paralajmëruar për “sulm të mundshme me raketa apo dronë”.

Siç raporton Reuters, sipas agjencisë shtetërore të lajmeve, nga ky zjarr nuk është lënduar askush e ekipet e specializuara për fikjen e zjarrit, kanë evakuuar ndërtesën dhe zjarri është lokalizuar, transmeton Telegrafi.

Një pjesë e mediave ndërkombëtare ka raportuar për “shpërthimet” në Abu Dhabi, derisa në Twitter qarkullonin pamje nga shpërthimet që i kanë përshkruar sikur janë shkaktuar nga raketat apo dronët.

Kujtojmë që mbrëmë ka ndodhur shpërthimi në rrugën Hamdan në Abu Dhabi, ku po mbahet një ngjarje e madhe sportive.

Agjencia shtetërore e lajmeve VAM, ka raportuar se zjarri është shkaktuar si pasojë e “shpërthimit të bombolave të gazit”. Në video shihet një “top i zjarrtë” në kulmin e një ndërtesës – derisa autoambulancat shihen nëpër rrugë, shkruan AP.

E ky incident ka ngjallur frikë për sulmet të mundshme nga rebelët Houthi, përgjegjës për sulmet me dron në rafineritë e naftës, që rezultuan me tre të vdekur. E javëve të fundit Emiratet e Bashkuara kanë parandaluar disa sulme me raketa në këtë vend. /Telegrafi/

Yerel kaynakların aktardığı bilgilere göre #AbuDhabi'de yaşanan patlamanın Hussiler tarafından yapılmış bir füze saldırısı olabileceği yönünde. pic.twitter.com/Qsh6lF9DPN

— Erhan Akbaş (@akbaserhan) February 8, 2022