Deshi të bëj selfie me ariun, taksistin e kafshon për vdekje (Video, +18)

Një taksist është kafshuar për vdekje nga një ari gjigant, pasi kishte ndaluar veturën që të bëjë selfie me kafshën në Indi.

Prabhu Bhatara po i dërgonte disa klientë në shtëpi të cilët i kishte marrë me veturë nga një ceremoni martesore në provincën Odisha, kur rastësisht pa një ari në skaj të rrugës, transmeton Telegrafi.

Dhe derisa pasagjerët po prisnin ulur në pjesën e pasme të veturës, Bhatara iu afrua ariut të plagosur duke tentuar të bëj selfie me të.

Por, në një moment ai e kap dhe e përplas për tokë, të cilin më pas e kafshon për vdekje. Mediat lokale raportojnë se ariu po mundohej të pinte ujë nga një pus që ishte afër, kur Bhatara iu afrua edhe përkundër paralajmërimeve të disa qytetarëve që ishin afër tij.

Ai nxori telefonin dhe duke dashur të shkrep një foto rrëshqiti dhe përfundoi tek “territori” i ariut. Kalimtarët e rastit e kanë filmuar momentin kur një burrë mundohet ta shpëtojë Bhataran nga dhëmbët e mprehtë. /Telegrafi/