Deshën t’i plaçkitin vëllezërit amerikanë në një pompë të derivateve, hajnat e armatosur pendohen keq (Video, +16)

Katër studentë amerikanë kanë arritur të mbrohen nga plaçkitësit e armatosur në një pompë të derivateve në Florida.

Në fakt dy vëllezër e dy të afërm të tyre po shijonin pushimet në Miami, dhe pas një ahengu në orët e para të mëngjesit ishin ndalur në një pompë të derivateve për ta mbushur veturën, transmeton Telegrafi.

E derisa po qëndronin pranë veturës dhe po bisedonin, nga një veturë tjetër del një burrë i armatosur me fytyrë të mbuluar. Me të parë burrin ata mbetën të habitur. Megjithatë kur tentoi t’i sulmojë, njëri prej tyre nuk hezitoi t’i kërcej mbi kokë dhe t’ia merr revolen.

Kur gjithçka dukej se po merrte fund, plaçkitësit të armatosur i doli në ndihmë miku që gjithashtu doli nga vetura dhe iu afrua studentëve duke ua drejtuar revolen. Por, edhe ai e pësoi keq dhe kështu për disa momente u orvatën derisa arritën që të dy t’i çarmatosin dhe t’i detyrojnë të largohen duarthatë.

E pasi që në vendin e ngjarjes u shfaqën policët, vëllezërit amerikanë ua shpjeguan gjithë ngjarjen. Mediat amerikane raportojnë se njëri nga plaçkitësit e armatosur është arrestuar disa orë më vonë, kurse tjetri është ende në arrati. /Telegrafi/