Derisa Usyk në Ukrainë po i reziston agresionit rus – Fury shpreson që Joshua ta mposhtë ukrainasin

Tyson Fury dëshiron që Anthony Joshua të fitojë rimeçin e tij me Oleksandr Usyk për të mbajtur gjallë shpresën për përballjen e tyre të madhe brenda vendit në të ardhmen.

Gypsy King ishte në Wembley për të promovuar përballjen e tij për titullin WBC në peshën e rëndë kundër Dillian Whyte që zhvillohet më 23 prill dhe e do me ngulm përballjen me AJ.

Duke folur për Ade Oladipo të talkSPORT, Fury tha se shpreson që Joshua të hakmerret për humbjen e tij ndaj Usyk shtatorin e kaluar.

Lexo po ashtu E pyetën se përse u rikthye në Ukrainë, Usyk renditë arsyet se çfarë nënkupton fjala atdhe për të

“Me të vërtetë do të kisha dashur të kisha luftuar me Anthony Joshuan. Unë me të vërtetë shpresoj se ai mund të mposht Oleksandr Usyk, vërtet po”, shpjegoi Fury.

“Njerëzit do të thonë ‘oh jo, ju nuk e thoni vërtet këtë’, por unë me të vërtetë e dua këtë sepse do të ishte një përballje e mahnitshme në Wembley ose kudo që mund të jetë”.

Lexo po ashtu Tyson Fury thotë se do të tërhiqet nga boksi pas ndeshjes me Dillian Whyte – ai refuzon meçin me Usyk ose Joshua  

“Ai duhet ta fitojë këtë luftë, sepse nëse ai humbet përsëri, atëherë ajo luftë ka ikur. Por shpresojmë që ai ta fitojë atë”, ka shtuar më tej Gypsy King.

Por, Fury fillimisht do të duhet të mendojë se Usyk është duke luftuar për ta shpëtuar vendin e tij, Ukrainën, nga agresioni rus, pastaj të flitet për një meç boksi. /Telegrafi/