Deputetët e OBRM-PDUKM-së ende nuk e dinë se si do të votojnë për mandatin e Nikolla Gruevskit

Nesër në Komisionin për Çështje Mandatare dhe të Imunitetit pritet të vendoset për marrjen e mandatit të deputetit Nikolla Gruevskit.

Këtë komision e kryeso deputeti Pavle Bogoevski, por pas publikimit të bisedës ku dëgjohet se ai porositën mjete narkotike, opozita maqedonase OBRM-PDUKM konsideron se Bogoevski nuk ka kredibilitet t’i përfaqësojë qytetarët në Kuvend, përcjell Telegrafi Maqedoni.

Deputetët e OBRM-PDUKM-së thonë se ende nuk janë koordinuar nëse do të votojnë për marrjen e imunitetit të ish shefit të tyre.

Deputeti i LSDM-së, Kostadin Kostadinov marrjen e imunitetit të Gruevskit e quajti punë e pastër, dhe se secili që ka shkelur ligjin duhet të përgjigjet. Deputeti i Bashkimit Demokratik për Integrim, Artan Grubi tha se partia e tij e përkrahi nismën për marrjen e mandatit të deputetit të Gruevskit.

Ish kryeministrit mund t’i merret mandati për shkak se gjashtë muaj nuk merr pjesë në punën e Kuvendit. Mungesat janë për shkak se ai është në arrati në Hungari ku mori azil politik, me arsyetim se është i përndjekur politik nga pushteti aktual. Gruevski duhej ta mbaj dënimin prej 2 viteve burgim për rastin e PSP-së të quajtur “Tanku”./Telegrafi/