Deputetja e Partisë Demokratike të Kosovës, Blerta Deliu - Kodra, tha se nëse partia e cila doli e para në zgjedhje, Lëvizja Vetëvendosje dështon të formojë institucionet, atëherë mandatin do ta marrë PDK-ja.
Pas kësaj, u ngriti si shqetësim se Nisma është pjesë e opozitës së mandatit të kaluar.
“Nuk e di, aktualisht nuk mund të them kurrgjë. Nuk dua të flas në emër të Nismës, por mendoj se nëse ka dështim, rrethanat politike ndryshojnë”, u shpreh ajo.
Deliu - Kodra tha se kanë informacione se kanë dëgjuar emra që mund të propozohen për kryetar të Kuvendit.
Ndër emrat që përmendi janë Fatmir Limaj e Albulena Haxhiu.
Kur u pyet se a do ta votojnë Haxhiun, Deliu Kodra tha jo.
“Nuk do ta votojmë asnjë kandidat që propozohet nga Lëvizja Vetëvendosje”, u shpreh Deliu - Kodra, për RTV21.
