Ish-ambasadori i Kosovës në Maqedoninë e Veriut, Gjergj Dedaj, deklaroi se presidenti turk, Rexhep Tayip Erdogan i kishte kërkuar Shkupit zyrtar të mos e pranonte atë si ambasador të Kosovës.
I ftuar në emisionin Prime Time në Kanal 10, Dedaj deklaroi se këtë ia kishte pohuar vet ish-presidenti i Maqedonisë së Veriut, Gjorge Ivanov.
“Kur më ka pritur ish-presidenti Ivanov, kur ia kam dorëzuar letrat kredenciale, më tha: ‘E kam pasur të vështirë të pranoj ty ambasador’, e kam pyet pse, më tha: ‘Më ka thirr miku im Erdogan edhe ka thënë bëjë çfarë të duash, këtë person mos e prano ambasador se ky person ma prish agjendën time politike në Maqedoni”, deklaroi Dedaj.
Ai theksoi se gjatë kohës sa ka shërbyer si ambasador i Kosovës në Shkup, raportet me Ambasadën e Turqisë në Maqedoninë e Veriut kanë qenë të ngrira, e që sipas tij, ka qenë skandal.
“Ambasada turke në Shkup i ka ngrirë raportet me Ambasadën e Kosovës në Shkup, derisa unë kam qenë ambasador. Kjo është skandal. I kam ftuar për festën e pavarësisë së Kosovës, kanë thënë ‘mos na dërgoni më ftesa derisa Gjergji është ambasador, ne nuk bashkëpunojmë me Ambasadën e Kosovës’”, tha Dedaj duke konfirmuar se asnjëherë nuk e ka takuar ambasadorin turk në Shkup.
Dedaj u shpreh se nuk i di arsyet e vërteta të kërkesës së Turqisë që ai të mos pranohej si ambasador në Shkup, ndërsa shtoi se asnjëherë nuk ka dashur që raportet mes Kosovës dhe Turqisë të dëmtohen prandaj edhe nuk kishte folur për këtë çështje më herët.
Megjithatë, ai pranon se ish-presidentit Ivanov ia kishte kujtuar se Maqedonia e Veriut është një shtet i pavarur dhe nuk mund të pyes askënd se kë duhet të pranojë ambasador ose jo.
“Presidentin Ivanov e kam pyetur nëse Maqedonia është shtet i pavarur apo vilajet i Turqisë sepse nuk duhet të lejoni që një president i një shteti tjetër të t’ju tregojë se kë duhet të pranoni si ambasador e kë jo. Por me turqit në Maqedoni kam bashkëpunuar, edhe me shqiptarët, edhe me maqedonasit edhe me të gjithë komunitetet e tjera”, tha Dedaj.
Promo
Reklamo këtuLufta Prigozhin - Putin
Më shumë“Ushtria digjitale” e Kurtit në front kundër gazetarëve
Ambasadori i Finlandës: Anëtarësimi i Kosovës në NATO do të bëhet realitet
Tension në Kuvend mes PDK-së e LVV-së, Shala ia ndalon fjalën Kusari-Lilës – nënkryetarja thërret sigurimin
“Paratë, ose do të vras djalin”, polici kërcënon qytetarin se nuk i dha ryshfet
Vranët dhe me riga shiu
“Veriu nuk e mbulon korrupsionin në institucione”, analistët komentojnë raportin e DASH-it për Kosovën
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Bëhen bashkë pas dy vitesh Blero e Afrona Dika
Çfarë thuhet në alarmin e NATO-s për aktivitetet 'armiqësore' ruse në Evropë?
“Thellohet misteri” – bleu apo jo SHBA-ja, 81 aeroplanë të vjetër sovjetikë nga Kazakistani?
Nga qershori Aeroportit të Prishtinës i shtohet edhe një linjë e re fluturimi
Xhaka me Bayer Leverkusenin hap të madh drejt finales, Roma bie në ‘Olimpico’
"Nuk ka mbaruar ende, na duhet edhe një gol kundër Romës për finale" - Xhaka flet pas fitores së madhe