Deco nis bisedimet për t’i blinduar edhe katër yje të Barcelonës me kontrata afatgjate

Barcelona po kërkon t’i blindojë me kontrata të reja futbollistët e saj kryesorë, në mënyrë që mos të kenë rrezik që do t’iu largohen.

Sipas asaj që ka raportuar gazeta katalunase Mundo Deportivo, Deco ka filluar bisedime me shumë lojtarë të Barcelonës për të zgjatur kontratën e tyre.

Kjo vjen pasi Lamine Yamal dhe Alejandro Balde u lidhën me marrëveshje afatgjata me klubin blaugrana.

Lexo po ashtu Lamine Yamal është zyrtarisht 16-vjeçari më i vlefshëm në historinë e futbollit pasi është konfirmuar vlera e transferimit

Barça dëshiron të zgjidhë situatën e kontratës së lojtarëve, marrëveshjet aktuale të të cilëve do të skadojnë në verën e vitit 2026.

Deco tashmë po flet me shoqëruesit e Frenkie de Jong për zgjatjen e kontratës së tij përtej vitit 2026.

Ai gjithashtu do të flasë me agjentët e Gavi , Ronald Araujo dhe Pedri për të zgjatur gjithashtu kontratat e tyre.

Lexo po ashtu Super kompjuteri parashikon se kush do ta fitojë La Ligën këtë sezon

Barça dëshiron ta mbajë këtë bërthamë lojtarësh të rinj në klub për shumë vite në vazhdim dhe shpreson të zgjasë marrëveshjet e tyre për të siguruar të njëjtën gjë së shpejti.

Qëllimi është që të gjithë këta futbollistë të kenë kontrata deri në vitin 2028 ose 2029. /Telegrafi/