Dëbora po e vështirëson komunikacionin, por realizohen në kushte dimërore!

Për shkak të reshjeve të dëborës që po bien nga mbrëmë në pjesën më të madhe të vendit, komunikacioni rrugor, hekurudhor dhe ajron po zhvillohen në kushte dimërore, tani për tani pa probleme të konsiderueshme dhe pritje, përcjell Telegrafi Maqedoni.

Nga LAMM thonë se komunikacioni momentalisht në të gjitha rrugët shtetërore po zhvillohet nëpër rrugë të lagështa në pjesën veriore, perëndimore dhe jugperëndimore të shtetit.

Pa probleme nga mëngjesi janë realizuar fluturimet dhe aterimet e parapara nga aeroporti ‘Aleksandri i Madh’ në Shkup, tregojnë të dhënat në web faqen e ‘TAV Maqedoni’.

Komunikacioni në Shkup si dhe transporti urban periferik po zhvillohet më ngadalë për shkak të borës.

Sipas DPHM-së, reshje më rrëmbyeshme të dëborës do të ketë në orët e pasditës dhe të mbrëmjes. Kudo do të formohet shtresë dëbore kurse në viset malore deri në 50 cm, njofton AIM.

NP ‘Rrugët e Maqedonisë’ apelon për vozitje të kujdesshme dhe respektim të shenjave dhe përshtatje të shpejtësisë sipas kushteve në rrugë. /Telegrafi/