Darkat së bashku: Tradita familjare që duhet ta rikthejmë

Çdo gjë është më mirë gjatë stinës së verës. Ne kemi mundësi ta shpenzojmë kohën e lirë me miqtë dhe familjarët dhe po, çfarë ka më mirë se sa një darkë gjatë së dielës?

Është mundësi ideale për familjarët që të bashkohen dhe të shijojnë ushqime të ndryshme, transmeton Telegrafi.

Darkat së bashku janë të veçanta. Familjarët janë prezentë dhe fëmijët vrapojnë nëpër shtëpi.

Fuqia e darkës familjare

Dr. Vanessa Lapointe, psikologe dhe eksperte e prindërve, shpjegon se familjarëve iu duhet të hanë së bashku. Psikologia thekson se koha e ushqimit gjithmonë ka qenë kohë e bashkimit familjar.

A ka diçka më të mirë për t’i mbledhur disa gjenerata në një vend sesa një darkë e shijshme?

Aty të gjithë mund të flisni me njëri-tjetrin dhe t’i dëgjoni me vëmendje historitë interesante të gjyshërve.

Po, edhe fëmijëve iu duhet të shpenzojnë kohë me miqtë e tyre, por edhe duhet të mësohen me magjinë e darkave familjare së bashku.

Anne Fishel, terapiste familjare, thotë se darkat familjare sjellin përfitime kognitive, fizike dhe psikologjike.

Të rinjtë e përmirësojnë fjalorin. Fëmijët në anën tjetër kanë tendenca të hanë më shumë pemë dhe perime, ndërkaq këto “organizime” i zvogëlojnë rreziqet e depresionit, ankthit, abuzimit me substanca, etj. /Telegrafi/