Çun Lajçi reagon pas vendimit të Qeverisë Kurti për pensionistët: Po frikësohem nëse më keni përzier me hajna, e po iu dukem shumë i pasur

Qeveria në një nga mbledhjet e fundit ka marrë vendim që ta rrisë vlerën prej 10 euro të pensioneve bazë për tre muajt e ardhshëm, por ta largoj shtesën prej 30 euro që ishte marrë nga Qeveria e drejtuar nga Avdullah Hoti.

Ministri i Financave, Punës dhe Transfereve, Hekuran Murati, ka njoftuar se pensionet të cilat janë nën vlerën e 100 eurove, do të bëhen 100 euro për tre muajt e ardhshëm, ndërsa familjet me asistencë sociale do të marrin nga 30 për qind të ndihmës aktuale.

Pra shumica e pensionistëve nga 90 euro kanë marrë 120 euro, me vendim të Hotit.

Lidhur me këtë një reagim është bërë edhe nga aktori i njohur shqiptar, Çun Lajçi, i cili i është drejtuar me disa fjalë kryeministrit Kurti.

Lexo po ashtu Qeveria miraton pakon prej rreth 20 milionë eurosh për mbështetje të gastronomisë, punonjësve shëndetësorë, policisë e skemave sociale

Postimi i plotë i Çun Lajçit (pa ndërhyrje):

“Albin

Pashë Çakorrin e Ramushit, a po m’kallxon, a përnimend don me na i hjekë nga 20 euro prej pensionit (qyshë po shkruejnë portalet)!

S’po m’dhimsen jo, se tash vjen vera e dal shes libra, bile-bile e qëndisi rrugëve edhe romanin e ri “Shoqalani”, por po tutna mos m’keni përzi me hajna e po iu dukem shumë i pasun?

Nejse, m’fal që bana be rrejshëm, se Çakorrin e rrou kajtja e mua pleqnia”. /Telegrafi/