Crotone barazon ndaj Milanit dhe mban shpresat gjallë për mbijetesë (Video)

Crotone ka vazhduar me rezultate të mirë në Serie A, këtë herë ka barazuar ndaj Milanit.

Ishte një lojë e balancuar, por vendasit me dëshirë më të madhe për të nxjerrë rezultat pozitiv nga ky takim.

Takimi filloi me rastin e Andrea Barberis në minutën e dytë, i cili nga gjuajta e lirë rrezikoi portën e kuqezinjve, kurse në minutën e tetë shënoi Marcello Trotta.

Suso rrezikoi dy herë para përfundimit të pjesës së parë, por nuk arriti të tundë portën kundërshtare dhe me rezultatin 1-0 përfundoi pjesa e parë.

Në minutën e 50-të shënoi Gabriel Paletta pas një topi të kthyer në zonë nga Juraj Kucka.

Në vazhdim mysafirët rrezikuan me anë të Gerard Delofeun, por nuk kishe gola.

Pas këtij barazimi Milani vazhdon në pozitën e gjashtë me 59 pikë, pesë më pak se Atalanta në vendin e pesë që dërgon në Ligën e Evropës. Ndërsa Crotone tani ka 25 pikë, katër më pak se Empoli, duke mbajtur gjallë kështu shpresat për mbijetesë.

Në xhiron tjetër Milani luan ndaj Romës, kurse Crotone kundër Pescaras. /Telegrafi/