Conte flet për titullin në Serie A: Do të jetë një luftë e madhe, shtatë skuadra janë në garë

Kampionati italian Serie A këtë vit është bërë shumë interesant sa i përket luftës për titull.

Diferenca nga pozita e parë me atë të shtatë është 12 pikë dhe kjo e bën tejet interesant luftën për titull dhe daljen në Evropë.

E për këtë ka folur trajneri italian Antonio Conte, që po kërkon titullin me Interin e tij.

Conte ka deklaruar që shtatë ekipe po luftojnë për titull dhe Ligën e Kampionëve.

“Janë shtatë skuadra të cilat luajnë për një objektiv të dyfishtë, si për titullin kampion, ashtu edhe për një vend në Ligën e Kampioneve”.

“Faza e parë na e ka konfirmuar këtë. Kanë qenë ata që kanë udhëtuar më shpejt, ata që kanë udhëtuar pak më me vonesë. Por na ka treguar se janë shtatë skuadra që mund të luajnë për gjithçka”, tha Conte

Tutje tekniku italian përmendi edhe skuadrat që do ta zhvillojnë këtë luftë deri në fund të sezonit.

“Për titull dhe Ligën e Kampionëve janë duke luftuar ekipe si Milan, ne, Roma, Juventus, Napoli, Lazio dhe Atalanta ku do të jetë një garë e madhe deri në fund”, deklaroi tekniku italian.

Interi i trajneri Antonio Conte këtë fundjavë në udhëtim te Udinese. /Telegrafi/