Çmenduria që ka bërë Eden Hazard këto ditë, ende askush nuk po arrinë ta kuptojë

Eden Hazard, i cili së fundmi u tërhoq nga futbolli në moshën 32-vjeçare, ka refuzuar një ofertë të madhe për të dalë nga pensioni.

Ai refuzoi 1.1 milionë euro në javë, ose rreth 52 milionë euro në vit, për të nënshkruar kontratë me një klub nga Arabia Saudite.

Hazard, një ish-lojtar i kombëtares së Belgjikës, mori tri oferta nga Arabia Saudite, pra nga klubet atje. Këtë e pretendon ish-shoku i tij i skuadrës John Obi Mikel.

Lexo po ashtu Duket se Hazard ka lënë trashëgimtarin e tij në futboll - tifozët thonë se është i destinuar për të shkëlqyer

Ai thotë se Hazard ia ka konfirmuar këtë dhe ka thënë se nuk do të pranojë pasuri të kthehet nga pensioni.

Mikel, ti e di që kam shumë para. Ti e di edhe si jetoj, nuk shpenzoj shumë. Kam mjaftueshëm për të jetuar me familjen time dhe për të rritur fëmijët e mi”, ishte përgjigja që Hazard i dha Mikelit kur u pyet nëse ai do të pranonte ofertën.

Lexo po ashtu Hazard: Nuk munda të vazhdoja, jam i lumtur që nuk luaj më futboll

Hazard u pensionua si legjendë e Chelseat dhe dështimi më i madh në historinë e Real Madridit, me këta të fundit që e transferuan në verën e 2019 për 115 milionë euro.

Ndryshe nga sa pritej, Hazard luajti vetëm 76 ndeshje për Realin shkaku i një sërë lëndimesh dhe formës së dobët, dhe shënoi vetëm shtatë gola dhe 12 asistime. Por, ai shënoi 110 gola me 92 asistime në 352 paraqitje për Chelsean. /Telegrafi/