Çitaku përfundon zyrtarisht mandatin si ambasadore në ShBA

Vlora Çitaku e ka përfunduar zyrtarisht detyrën e Ambasadores së Kosovës në Shtetet e Bashkuara të Amerikës (ShBA).

Këtë e ka konfirmuar Ministria e Punëve të Jashtme të Kosovës.

“Ambasadorja e Republikës së Kosovës në Washington DC, Vlora Çitaku, ka përfunduar me sukses mandatin e saj. Ministria e Punëve të Jashtme dhe Diasporës e Republikës së Kosovës dëshiron t’i shpreh falënderimet më të sinqerta për përfaqësimin e jashtëzakonshëm të Kosovës në Shtetet e Bashkuara të Amerikës. Suksese dhe mbarësi në angazhimet e radhës Ambasadore Çitaku”, shkruhet në njoftimin e ministrisë.

Njoftimin e ministrisë e ka publikuar edhe Çitaku e cila ka thënë se ishte nder për të që të shërbente si Ambasadore e Kosovës në SHBA-së.

“Faleminderit nga zemra! Të shërbej si Ambasadore e Kosovës në SHBA ka qenë nderi i jetës sime”, ka shkruar Çitaku.

Kosovo’s Ambassador in #WashingtonDC @vloracitaku has successfully completed her mandate.

We would like to express our most sincere gratitude for her service and outstanding representation of #Kosovo?? to the #UnitedStates ??.

The very best in your future endeavors Ambassador! pic.twitter.com/VB8XENNF5F

— MFA Kosovo ?? (@MFAKOSOVO) March 3, 2021