CIES zbulon akademitë më të forta në botë: Benfica, Chelsea dhe Barcelona në krye, befason Dinamo Zagreb

Instituti Zviceran i futbollit CIES Football Observatory publikoi këtë javë një renditje të klubeve më të mira në botë bazuar në vlerën e lojtarëve që kanë kaluar nëpër akademinë e këtyre klubeve .

Kushti për të hyrë në këtë kriter është një periudhë prej të paktën tre vitesh që lojtari duhet të kalojë në akademinë e klubit nga mosha 15 deri në 21 vjeç.

Renditja e CIES kryesohet nga Benfica e Portugalisë, vlera e vlerësuar e lojtarëve që kanë kaluar nëpër akademi është 670 milionë euro.

Prej tyre, 150 milionë euro vlejnë lojtarët që janë ende anëtarë të klubit portugez.

Në vend të dytë është Chelsea i Londrës dhe vlera e vlerësuar e lojtarëve që kanë kaluar në akademinë e tij është 630 milionë euro, me ata që janë ende në dhomën e zhveshjes nën Stamford Bridge me vlerë 325 milionë euro.

Barcelona është në vendin e tretë – vlera e vlerësuar e lojtarëve të saj është 581 milionë euro, me çmimin e lojtarëve të tillë që janë ende në Barcelonë 281 milionë euro.

Nga klubet ballkanase më së miri renditet Dinamo që është në pozitën e 18-të dhe pas saj janë gjigantët evropianë si Bayern Munich, i cili është në vendin e 19-të, Monaco (20), Liverpool (24), Manchester United (32), Borussia Dortmund (33), Milan (43) dhe të tjerët.

Vlera e lojtarëve që kaluan sistemin në akademinë e futbollit të Dinamos është 337 milionë euro dhe lojtarët që janë ende në dhomat e zhveshjes kapin vlerën e 47 milionë eurove. /Telegrafi/