Chelsea do të kursejë 55 milionë euro nëse shesin tre yjet e saj që tashmë janë në treg

Chelsea po përpiqet të heqë qafe disa lojtarë, mes tyre përfituesit më të lartë me paga në klub si Romelu Lukaku, Raheem Sterling dhe Ben Chilwell.

Blutë kanë listuar së fundmi Sterling dhe Chilwell në listën e transferimeve, me Enzo Maresca që pranoi publikisht se të dy lojtarët nuk janë në planet e tij.

Belgun është në prag të një kalimi te Napoli, por ende po punohet për detajet mes klubeve.

Sterling dhe Lukaku fitojnë nga 410 mijë euro në javë secili, ndërsa Chilwell merr 235 mijë euro në javë. Së bashku fitojnë mbi 1 milion euro në javë, ose 55 milionë euro në vit. Një shumë e madhe që do të kursente Chelsea në paga nëse shesin treshen e njohur.

Blutë raportohet se janë në negociata me Victor Osimhen. Nigeriani nuk dëshiron të ulë pagën e tij prej 250 mijë euro në javë nëse do të largohet nga Napoli, gjë që është përmendur si arsyeja pse Chelsea nuk mund ta përballojë aktualisht transferimin e tij.

Por teorikisht, nëse do të largoheshin Sterling, Lukaku dhe Chilwell, do të lironin shumë hapësirë ​​pagash që mund t’i jepnin Osimhenit./Telegrafi/