Chelsea përshpejton për Sarrin

Chelsea raportohet se ka rritur ndjekjen e tyre për trajnerin e Napolit, Maurizio Sarri, i cili mund të largohet për tetë milionë euro.

Trajneri italian është duke u lidhur gjithnjë e më shumë me një lëvizje largimi në verë, pas tri sezoneve të kaluara në San Paolo.

Thashethemet janë rritur edhe më shumë duke e cilësuar itlaianin si zëvendësues të bashkëkombësit të tij, Antonio Conte në Stamford Bridge.

Lexo po ashtu Sarri, objektivi numër një i Chelseat

Sipas mediumit italian Gazzetta dello Sport, agjenti i Sarrit, Alessandro Pellegrini, është takuar me ndërmjetës të Chelseat për të vlerësuar mundësinë e transferimit në Ligën Premier.

Sipas gazetës, Sarri iu ka thënë gjithashtu disave nga stafi i tij të fillojnë mësimin e gjuhës angleze, një gjuhë që ai tashmë flet pas karrierës së tij të mëparshme në industrinë bankare.

Ekziston një klauzolë lirimi prej tetë milionë eurosh në kontratën e trajnerit, i cili duhet të aktivizohet deri më 31 maj dhe kjo lehtë mund të paguhet nga Blutë.

Lexo po ashtu Sarri mes Arsenalit dhe Chelseat

Marco Giampaolo është një nga favoritët për të zëvendësuar Sarrin, por edhe Unai Emery i Paris Saint-Germain dhe Rafael Benitez janë të lidhur gjithashtu.

Në anën tjetër, edhe Chelsea ka disa opsione tjera në rast dështimi të Sarrit, ku Luis Enrique është më i përfoluri. /Telegrafi/