Chelsea i irrituar me bisedimet për Haalandin, kthen vëmendjen kah Lewandowski

Chelsea është i gatshëm të lëvizë për Robert Lewandowki pasi ata vazhdojnë të jenë të irrituar në bisedimet me Borussia Dortmundin për Erling Haaland.

Sipas The Sun, Blutë janë përpjekur kot të bindin Dortmundin të pranojë një marrëveshje lojtarë plus para për Haaland, i cili vlerësohet 150 milionë funte.

Kjo i ka detyruar kampionët e Evropës të ringjallin interesin e tyre për sulmuesin  rekordmen të Bayern Munichut, Lewandowskin ndërsa përpiqen t’i japin trajnerit Thomas Tuchel golashënuesin më të mirë që ai dëshiron.

Lexo po ashtu Chelsea është gati për ofertën e madhe para plus Abraham për Haalandin

Por, Chelsea përballet me një ‘luftë’ për ta sjellë Bayernin në tavolinën e negociatave për reprezentuesin polak.

Kampionët gjermanë duan që 32-vjeçari të nënshkruajë një zgjatje të marrëveshjes së tij aktuale, e cila skadon në verën e vitit 2023.

Chelsea to swoop for £50m Lewandowski from Bayern after failing to sign Haaland
| @DanKing_1974 https://t.co/vkYNrZmCIT

— The Sun Football ⚽ (@TheSunFootball) July 17, 2021

Por, klubi londinez ka burime të mjaftueshme financiare për të provuar vendosmërinë e klubit gjerman rreth një largimi të polakut.

Lewandowski mbush 33 vjeç muajin e ardhshëm dhe një ofertë prej 50 milionë funtesh thuhet se mund ta bind klubin gjerman ta lejoj largimin e tij, pasi nëse lojtari kërkon largimin, atëherë çmimi i tij mund të bie edhe më shumë. /Telegrafi/