Chelsea dëshiron ta rikthejë Armando Brojën, por vetëm me një kusht

Chelsea janë të gatshëm të ofrojnë njërin prej Kiernan Dewsbury-Hall ose Carney Chukwuemeka tek Evertoni në rast se ata e rikthejnë Armando Brojën nga huazimi. 

Broja u transferua në ‘Goodison Park’ në formë huazimi për këtë sezon nga Chelsea në verë, por ai arriti të luajë në vetëm shtatë ndeshje për klubin e tij të ri deri më tani. 

Ai mbeti jashtë fushave për pjesën me të madhe të pjesës së parë të sezonit për shkak të një lëndimi dhe për këtë arsye Evertoni po planifikon që ta ndërpresë huazimin e tij para kohe. 

Raporti shton se Chelsea po ngurron që ta rikthejë në skuadër sulmuesin e lënduar dhe mund të binden vetëm në rast se Evertoni pranon të marrë njërin prej Dewsbury-Hall ose Chukwuemeka. 

Dyshja e mesfushës kanë pasur vështirësi të gjejnë hapësira nën urdhrat e Enzo Marescas dhe klubi është i gatshëm që të lejojë largimin e tyre në formë huazimi. 

“Për momentin, nuk mendoj se ndonjë vendim përfundimtar është marrë. Por mendoj se çfarë po sugjeroni ju në bisedat që kemi pasur është që ka një mundësi, por për momentin, nuk ka asgjë të konfirmuar”, ka thënë trajneri David Moyes kur u pyet për situatën e Brojës. 

Chelsea do të ketë punë të vështirë sot (e shtunë) para vetes, pasi do të luajnë në udhëtim ndaj Manchester Cityt./Telegrafi/